SEE petauasti tsani Nóminas arhikatechani tsimankuni meiamuaka uanekua jorhemperichani

Nota traducida a Purépecha

_Uekanasïnti meiamuauani iamintu jorhemperichani kani enki jinteka, najki imaru SEE nosïni kastaka inchani

Morelia, Michoacán 27 de octubre de 2022.- Uetarhenchasïnti meiamuauani iamintu jorhemperichani kani enki jinteka, ukuarhisti anchikuarhikua ma imankuni ukasi inchani jima _departamento de nóminas_ arhikatarhu imeri _SEE_ anapu.

Najki ima _sindicato_ arhikata no kajtpenaka inchani, juramuti jorhenkuarhikueri untasti anchikuani ma imankuni upirinkasï meiamuani sano _20 mil_ jorhemperhichani enkisï meiamunajka ima _cheque_ arhikatampu.

Jimpoka ima juramuti _Alfredo Ramírez Bedolla_ uejka sesi nitamani jorhemperichankuni ari erechikueri, enki sano iamintuecha nirhanaka jorhemperakuarhu anchikuarhini, _Yarabí Ávila González,_ uantasti enki anchikuarhikua ma upirhinkasi jimanki inchantapirinkasi jima enki tsi _cheques_ ukuarhijka ka isï uni meiamuauani anchikuarhirichani.

Ampe enki uejka i anchikuarhikuankuni jintesti uinaperhantani jorhenkuarhikuani ka jimposi uetarenchasïnti meiamuauani jorhemperichani; isï enki na ukuarhinchaka xajkani enki uetenanapkasï nitamani uexurhikuani, enki anchikuarhirichani meiamuauakasi xani kenekua enki kankuanapkasï.

Ka itku, ima _SEE_ p'imarhiasïnti tsani enki jimasï jaka, enki mataru nasï uantontskuarhiaka, ka enkisï janhaskaka enki uanekua jorhemperichani ka anchikuarhirichani jorhemperakueri no sesi ukuanakasi, ka itku iamintu sapichani ka tumpichani enki uetarenchanakasï enki ukuarhiakasï _80_ anchikuarhikuecha.

Ka itku uantasti, enki isi uetarhenchaka uaxakati uantontkuarhini mataru k'unkuarhikuechankuni jorhemperakueri, najki isekia no uati ampe enki no tatsekupaka tsani _normas_ arhikatecha o enki no sesi ukuaka ima _sistema educativo_ ari erechikueri.